Aathmavishwasam Lyrics - MURY

Aathmavishvasam

🖋️&🎙️- MURY / Prod. Chrisprodx   

- Lyrics

ആത്മവിശ്വാസം ആദ്യകരച്ചിലിനാദ്യ വരിയിലെ 

അടഞ്ഞ പാതയ്‌ക്കേകി പരിഹാരം

ഇന്നെൻ ദീർഘദൃഷ്ടിയിൽ 

തെളിയുന്നതഖിലവും പടുവിശാലം

ഓരോ ചെറുചുവടുകളിലും 

അണഞ്ഞു പോകുന്നത് എൻ ഭയാശം 

തുടരും വരി കൊണ്ടിനി ഞാൻ മായ്ക്കുന്നത് 

എൻ സംശയ വ്യക്തിത്വം

സഭാകമ്പത്തിന് നമസ്കാരം  

നിനക്കില്ലിനിയിവിടൊരു സ്ഥിരവേഷം 

ഇനി കാൽവിറ കാണില്ലൊരു ലേശം 

കാരണമെൻ നിരന്തര അഭ്യാസം 

പൊര നിറഞ്ഞൊഴുകണ കൗമാരം

കൊതിച്ചത് ഞാനൊരു മിഴിഭോഗം

അത് തിരയണ നേരമതന്നേരം 

മിഴിയുടക്കിയ സഖിയോ സംഗീതം 

അനർഗളനിർഗളമൊഴുകണ്  ഇളം ഈണം

കുളിരേകണ വാക്കതിൽ കൊടും പ്രാസം

വരി വശ്യതയുടെ പടു താമോഗാർത്തം

ചെവിയോർത്തവരാടണ് മറന്നാട്ടം 

Eminem മമ പ്രേരക കഥാപാത്രം   

മുറിഭിത്തിയിലുണ്ടൊരു ചുവർചിത്രം

അത് കാണണ മാത്രയിൽ വരും നിത്യം

ഒരു കമ്പനമേൽക്കണ  പകൽസ്വപ്നം

ഞാനൊരു അന്തർമുഖൻ

എന്നിലെ പാട്ടുകാരാനൊരു ബഹിർമുഖൻ

ഞാനൊരു സാധാ നരൻ 

ഇനിയെനിക്കാകണമൊരു ഇതിഹാസവീരൻ

ഞാനൊരു പോരാ മകൻ 

എന്നുടെ നാവാലുണരുന്നത് പല ജീവൻ

ഞാനൊരു തീരാക്കനൽ 

ഇനിയെനിക്കാകണമൊരു തീ തീരാക്കടൽ

റാപ്പതെനിക്കൊരു കൊന്ത

ജപമെറിയണത്തിൽ മുഴുശ്രദ്ധ 

ഇടയ്ക്കിടക്കിടെ ചൊല്ലണതെന്താണെന്നത് 

നിഴല്  തിരക്കണ കണ്ടാ

എൻ തലയില്  സമയബോംബ്

അത് നിറനിറച്ചത്  കടമ കൊണ്ട്

ഇനി ചില പടവുകൾ കൂടി താണ്ട്

നിൻ തിരു ആത്മവിശ്വാസം കൊണ്ട് 

പൂതി ഗാന്ധിയോടുണ്ട് അത് ദാരിദ്ര്യം കൊണ്ട്

തിരുവേദമൊക്കെ പണ്ട് 

അത് മൂഢത്വം കൊണ്ട്

സ്വർഗ്ഗനരഗങ്ങൾ ഉണ്ട് അത് സങ്കൽപ്പം കൊണ്ട്

ഞാൻ സ്വപ്നനഗരങ്ങൾ പൂണ്ട്

ഒരു യാഥാർഥ്യം കണ്ട്.

എൻ കയ്യിലിതാ ഒരു മൈക്ക്‌

കണ്മുമ്പിലിതാ പല മൈൻഡ്

ഞാൻ പാടണ പാട്ടതിൽ 

അവരുടെ ചുവടുകളേകണതാണെൻ കിക്ക്

അവർ പാടണതെന്നുടെ  പാട്ട്

ഏറ്റ് പാടണതെന്നുടെ പാട്ട്

അവരുടെ ചുണ്ടുകളാലത് മൂളിപ്പാടണ 

കേൾക്കണതാണെൻ സ്വത്ത്‌

ഞാനൊരു അന്തർമുഖൻ

എന്നിലെ പാട്ടുകാരാനൊരു ബഹിർമുഖൻ

ഞാനൊരു സാധാ നരൻ 

ഇനിയെനിക്കാകണമൊരു ഇതിഹാസവീരൻ

ഞാനൊരു പോരാ മകൻ 

എന്നുടെ നാവാലുണരുന്നത് പല ജീവൻ

ഞാനൊരു തീരാക്കനൽ

ഇനിയെനിക്കാകണമൊരു തീ തീരാക്കടൽ